PROTESTA SUBT VS INTER WILLEMSTAD
PROTESTA SUBT VS INTER WILLEMSTAD
Manera ta konosí SUBT a entregá un protesta riba e wega di dia 19 novèmber último den kua Inter Willemstad a hasi uso di e hungado P. da Sousa.
Base di e protesta ta ku Sr. da Sousa a haña un karchi kòrá den wega di dia 17 novèmber 2021 den kua Sr. da Sousa a fungi komo entrenadó pa UD Tera Kòrá den e wega kontra Indekor.
For di e investigashon ku FFK a kondusí por menshoná lo siguiente:
- da Sousa tabata entrenadó pa UD Tera Kòrá den e wega di dia 17 novèmber 2021 i a haña un karchi kòrá
- da Sousa ta miembro di e ekipo Inter Willemstad a partisipá den e wega di dia 19 novèmber 2021.
Pues Sr. da Sousa ta aktivo den Liga MCB Segundo Divishon komo entrenadó i tambe den Liga MCB Promé Divishon komo hungadó.
Segun artíkulo 26 RCW Segundo Divishon ta stipulá den insiso 8 ku tur loke ta menshoná den insiso 1 te ku 7 den e mesun artíkulo aki ku esaki ta aplikabel tambe pa un ‘begeleider’ i den insiso 7 ta trata e aplikashon di e ‘uisluiting’ di Segundo Divishon i e ala hubenil.
Ta normal ku un hungadó hubenil por partisipá den un kategoria senior i den esei e reglamento hubenil ta deskribí den art. 34 Reglement Jeugdvoetbal (RJV) kon e ‘uitsluiting’ ta wòrdu apliká.
Mirando e fenomeno di entrenadó den un divishon mas abou i na mes momento hungadó den un sekshon senior ta algo nobo i ku no ta deskribí den e reglamento (ainda), pero teniendo kuenta ku un karchi kòrá den kualke wega ta imperativo pa esaki keda tratá pa e Komishon Disiplinario i teniendo kuenta ku un ekspulshon (‘verwijdering’) di un persona ku e ta temporalmente suspendé pa un wega, alabes e pensamentu tras di e artíkulo 34 RJV i tambe e prinsipio di ‘fair play’, direktiva FFK tin ku hasi uso di artíkulo 81 Statutonan i ta yega na e konklushon Sr. da Sousa den e wega di dia 19 novèmber 2021 kontra Subt no tabata eligibel (‘niet speelgerechtigd’) pa hunga i komo tal mester deklará ku Sr. da Sousa ta ilegal den e wega aki.
Konsekuentemente mester apliká e sankshonnan den artíkulo 24 insiso 2 RCW 1e Divisie ku ta:
- Ta imponé un but di fl. 50,- riba Inter Willemstad;
- SUBT ta gana e wega di dia 19 novèmber 2021 ku skor 3-0
24 novèmber 2021