KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNUNOTISIA

KOMPANIANAN DI GOBIÈRNU CUROIL, AQUALECTRA, RDK, CPA I KTK TA FIRMA AKUERDO DI KOPERASHON.

KOMPANIANAN DI GOBIÈRNU CUROIL, AQUALECTRA, RDK, CPA I KTK TA FIRMA AKUERDO DI KOPERASHON.

 

Willemstad – Gobiernu di Kòrsou a risibí e direktornan di e kompanianan di Gobièrnu Curoil, Aqualectra, RDK, CPA i KTK,  den konseho di minister pa firma un akuerdo di koperashon pa desaroyá i implementá proyektonan riba tereno di energia.

 

E kompanianan a firma e akuerdo aki ku e meta pa krea mas efisiensia den e sektor i desaroyá proyektonan ku ta krea entradanan adishonal. 

E kompanianan envolví ta mira esaki komo un benefisio pa kompartí konosementu i ekspertisio pa huntu transformá i kontribuí na desaroyo ekonómiko di nos pais. 

 

Riba término kòrtiku lo inisiá ku entre otro e proyekto pa hasi uso di tankinan na Emmastad i Bullenbaai komo almasenahe pa produkto energétiko, kual lo sòru pa un subida di tráfiko marítimo den Haf i entradanan adishonal. 

Ademas lo eksplorá entre otro posibilidatnan pa introdukshon di LNG, desaroyo di un infrastruktura pa outonan eléktriko i infrastruktura pa energia sostenibel.

 

Ku firmamentu di e akuerdo aki, e kompanianan di Gobièrnu ariba menshoná, ta komprometé pa uni forsa ku meta pa sigui inová i krea mas efisiensia den e sektor. 

 

Riba e foto: pará: Ministeran sr. Charles Cooper, sr. Ornelio Martina, sra. Ruthmilda Larmonie-Cecilia, sr. Gilmar Pisas, sr. Ruisandro Cijntje i sr. Sithree van Heydoorn.

Sintá: sr. Patrick Newton (Direktor interino di RDK), sr. Suldric Rojer (Direktor di KTK), sr. Humberto de Castro (Direktor di CPA), sr. Yamil Lasten (Direktor di Curoil) i sr. Darick Jonis (Direktor di Aqualectra).

 

 

639114718427035"
639114718427035"