Kome, Bebe i Selebrá! Renaissance Wind Creek Curaçao Resort tin pakete spesial pa grupo i kompania

Kome, Bebe i Selebrá!

Renaissance Wind Creek Curaçao Resort tin pakete spesial pa grupo i kompania

WILLEMSTAD –  E temporada di fin di aña semper ta spesial. Ta p’esei Renaissance Wind Creek Curaҫao Resort ta krea espasio pa famia, grupo di amigu, kolega òf kompanianan selebrá union i amistat. Renaissance Wind Creek Curaҫao Resort ta ofresé diferente posibilidat pa eventonan di fin di aña na unda por skohe for di un variashon di menú pa grupo di 25 òf mas, ku asiento den Ball Room òf Atrium. Manera semper e menú ta variá i ta inkluí tur e delisianan navideño ku nos hendenan gusta manera sùlt, ayaka, ham di Pasku i mas. 

Kome, Bebe i Selebrá… 

Renaissance Wind Creek Curaҫao Resort ta duna oportunidat na e grupo òf kompania pa adaptá e menú segun deseo. Por krea un menú kuminsando for di $42 pa persona. Por skohe 4 tipo di salada, 1 sòpi, 3 plato prinsipal, 3 akompañante di e plato prinsipal i 3 pasa boka. Tambe por skohe for di kalakuna òf ham òf karni di e Carving Station. Ademas, e menú aki ta inkluí standard pan artesanal, sùlt, ayaka, ‘pan di hamón’ i mas.  Adishonal, Wind Creek Curaҫao Resort ta ofresé un bar bon surtí i akinan tambe tin vários posibilidat. E preis di bar ta dependé di loke ta skohe p’e sea un ‘Open Bar’ ku tin preis pa e kantidat di ora deseá òf bibidanan selektá. 

Reservá trempan…

Kòrda ku kuponan ta limitá. E tim di Renaissance Wind Creek Curaҫao Resort ta eksperensiá den eventonan kulinario segun rekerimentu di kada grupo òf kompania. Pa mas informashon por yama 435.5000 òf por manda un email pa nsoleana@curacaorenaissance.com.