Minister Ruisandro Cijntje Resientemente mi a reuní ku Philippe Wilmart, Chief Commercial Officer di Air Belgium ya komo ku dia 15 di desèmber próksimo, Air Belgium ta programá pa start bèk ku buelo pa Kòrsou.

Ruisandro Cijntje

Resientemente mi a reuní ku Philippe Wilmart, Chief Commercial Officer di Air Belgium ya komo ku dia 15 di desèmber próksimo, Air Belgium ta programá pa start bèk ku buelo pa Kòrsou.
E buelo lo sali awor for di un ‘gateway’ nobo, esta Brussels Airport. E buelo lo sali for di
Bèlgika ku un stòp kòrtiku na Punta Cana i sigui despues pa Kòrsou. E buelo di regreso lo ta un buelo direkto di Kòrsou pa Bèlgika.
E buelonan lo kuminsa ku un frekuensia di 2 biaha pa siman ku e posibilidat di reevaluá esaki den futuro i lo bai hasi uso di un avion nobo Airbus A330neo ku kapasidat pa 286 pasahero.
Mi ta sumamente kontentu ku Air Belguim a reanudá e buelo ku mester a stop debí
na e pandemia di COVID-19.
Philippe Wilmart di Air Belgium ta antisipá ku e buelo aki lo ta un eksito i a indiká di tin basta reservashon kaba pa e fin di aña. Tambe el a indiká ku Air Belguim ta sinti seif na Kòrsou mirando e gran kantidat di persona ku ta bakuna.
Air Belgium ta mira Kòrsou komo un destinashon ku potensial grandi pa entre otro komo ‘golf destination’ i ta impreshoná ku na e momentu aki hopi hotèl i ‘car rental’ na Kòrsou ta práktikamente ‘sold out’.

 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: