Pa di dos biaha fundashonnan ta uni pa selebrá abilidat riba dia 3 di desèmber  Dia Internashonal pa Personanan ku un Desabilidat 

 

Pa di dos biaha fundashonnan ta uni pa selebrá abilidat riba dia 3 di desèmber 

Dia Internashonal pa Personanan ku un Desabilidat 

 

WILLEMSTAD, Djabièrnè awor dia 3 di desèmber, ta Día Internashonal di Personanan ku un Desabilidat deklará pa nashonanan uní. 12 Fundashon ku ta traha pa personanan ku un desabilidat un biaha mas a uni forsa pa dediká atenshon na e fecha dor di diferente aktividat.

 

Por kòrda aña pasá a pone un transmishon nashonal di 6 ora largu na tur planta di televishon lokal pa por a trese e diferente abilidatnan di personanan ku un desabilidat. Tokando diferente tópiko, kontando diferente historia i asta na final un pènel ku diferente minister pa papia di retonan i espektativa pa futuro. 

E 12 fundashonan ku a hasi esaki aña pasá tabata Fundashon Pro Bista, Fundashon Alton Paas, Asosiashon Totolika, De SGR-Groep, Stichting voor Auditief Gehandicapten, Fundashon Amigunan Uni, Fundashon Kontakto, Handicaps Rights Foundation, Sentro Solaris, Funditut, i Stichting MS. Pa e aña aki GGZ huntu ku FMA tambe a uni ku e grupo speshalmente mirando ku situashonan mental i asta króniko ta biniendo mas dilanti pero no ta haña sufisiente atenshon.

 

Similar na aña pasá lo dediká atenshon na e fecha aki pero di um otro forma i atrabés di diferente aktividat. Ya a lansa un página riba Facebook ku e nòmber Selebrá Abilidat di kual lo bai publiká diferente video di konsientisashon. E promé ya a sali djaluna último i kada dia ta sigui otro video di otro tópiko. Tambe lo bai laga diferente minister- i parlamentario eksperensia un desabilidat pa krea mas empatia pa personanan ku un desabilidat pa asina por komprondé i yuda nan mas mihó. 

Na final lo presentá e plannan pa un rampa na e pérgola na Brionplein.

 

Lo bai tin diferente entrevista den media di personanan ku un desabilidat pa asina sigui trese e diferente historia i abilidatnan dilanti. Durante dia komunidat di Kòrsou por skucha, na e diferente radionan, deseo i mensahe di diferente persona ku un desabilidat den propagandanan di 30 sekònde. Teniendo kuenta ku Covid e fundashonnan lo tin, den grupo chikitu , mas aktividat  ku nan kliente-, miembro- i kontaktonan.

 

Pues un día kargá ku diferente aktividat pa komunidat por mira mas di e diferente abilidatnan i tambe e persona mes ta haña su atenshon ku e ta un digno miembro di nos komunidat.

 

Nos ke invitá Kòrsou kompletu subi e pagina di Facebook Selebrá Abilidat pa sigui e videonan di konsientisashon i ku ta mustra e diferente abilidatnan di personanan ku un desabilidat.

 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: