PROMÉ MINISTER GILMAR PISAS TABATA INVITADO SPESHAL DI ALUMNONAN DI NILDA PINTO SBO.

PROMÉ MINISTER GILMAR PISAS TABATA INVITADO SPESHAL DI ALUMNONAN DI NILDA PINTO SBO.


Willemstad – Promé Minister Gilmar Pisas tabata komo invitado speshal na un “Gala Dinner” di Nilda Pinto SBO Sector Superisor Facilitaire Dienstverlener dia 27 di novèmber 2021 na Amazia Restaurant.

 

Komo parti di e alumnonan su éksamen final, nan mester a organisá un evento. Den e kaso aki e grupo di “Gold Production” a disidí na organisá un tremendo “Gala Dinner”. 

 

Durante e anochi aki mester a ehekutá tur loke nan a siña na skol pa ku e evento. Kada studiante tabatin un responsabilidat pa ku e anochi ei manera entre otro sòru pa personal, F&B i e parti logístiko.

E evento tabata un “Black & Gold Gala Dinner” ku a konsistí di un 3 “gangenmenu” prepará dor di e famoso chef Carlos Anthonij. 

 

E motibu pa kual nan a disidí pa organisá e “Gala Dinner” ta paso komo ku e pandemia a sera tur hende den kas, nan a disidí pa organisá algu pa por laga e hendenan sali foi kas i pasa un ratu plasentero . 

 

E evento tabata unu eksitoso, i Promé Minister Gilmar Pisas a disfrutá di e anochi. 

E aktividat aki tabata un “fundraising event”.

 

This site uses Akismet to reduce spam. Learn how your comment data is processed.

%d bloggers like this: