Entrega di pèrmit di konstrukshon na CORALE ESTATE LUXURY RESORT

 

Entrega di pèrmit di konstrukshon na CORALE ESTATE LUXURY RESORT

 

Willemstad – Minister Tráfiko, Transporte i Planifikashon Urbano, Charles Cooper huntu ku Servisio pa Planifikashon Urbano (ROP) a hasi entrega di e pèrmit di konstrukshon na un proyekto turístiko pa nos pais Kòrsou. E proyekto aki lo hasi Kòrsou i Corale Estate Luxury Resort mas atraktivo ku konstrukshon di 8 villa’s mas na e gran proyekto turístiko situá na Rif St. Marie.

 

Corale Estate Luxury Resort ta bai halsa kalidat i potensial di nan kapasidat pa e área turístiko di Kòrsou. Pa logra e meta aki, nan a risibí nan pèrmit di konstrukshon pa konstrukshon di 8 edifisio ku ta fungí komo vila/kas. 

 

Durante di e tratamentu di e pèrmit di konstrukshon, diferente entidat di Gobièrnu a tene debido kuenta ku aspektonan importante manera, e parti di seguridat pa ku kandela, ordenansa di konstrukshon, i drenahe di awa.

Minister Charles Cooper ta hopi kontentu ku e proyekto aki, ya ku e ta ofresé Corale Estate Curaçao i pais Kòrsou un posishon atraktivo turístiko.