PERSONANAN SERTIFIKÁ SO POR KONTROLÁ QR-CODE NA ENTRADA

 

MINISTERIO KONSERNÍ ASUNTUNAN GENERAL I PROMÉ MINISTER

 

PERSONANAN SERTIFIKÁ SO POR KONTROLÁ QR-CODE NA ENTRADA

PUBLIKÁ RIBA 10 DECEMBER 2021

Willemstad – Entrante djaluna, 13 di desèmber 2021, tur organisadó di aktividat di riesgo haltu ta obligá pa hasi uzo di personal ofisialmente sertifiká dor di Gobièrnu, pa kontrolá QR-code na entrada. Esaki despues ku den e siman ku a pasa, Direktorado di Kòntrol di Riesgo i Maneho pa Kalamidat (DRR), a duna algun training, riba petishon di organisadó di aktividat di riesgo haltu mes.

Un total di 113 persona a sigui e kursonan i tin e sertifikado ofisial. Ta trata di hende ku ta traha pa kompanianan di seguridat, personal di kompanianan di HORECA i demas personal di  organisashonnan ku sa pone aktividat kaminda mester kontrolá bishitantenan riba nan prueba di bakunashon digital.

Outoridatnan di MEO i Kuerpo Polisial lo sigui kontrolá ku e kòntròl na porta ta tuma lugá na un manera adekua. For di djaluna nan lo paga tinu tambe si e kontroladó na porta mes tin su prueba di bakunashon digital, si e tin su sertifikado ofisial i si e ta hasi su kòntròl manera stipulá.

   

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: