Presentashon di DJ RO-1 i DJ Dorine: Renaissance Mall & Rif Fort ku un berdadero ambiente di Pasku

Presentashon di DJ RO-1 i DJ Dorine:

Renaissance Mall & Rif Fort ku un berdadero ambiente di Pasku

 

WILLEMSTAD –  DEC 2021- Nos ta na víspera di Pasku, i e dianan benidero tin un berdadero espíritu navideño na Renaissance Mall & Rif Fort. Durante e dianan tras di lomba klientenan por a disfrutá di Kadir Snijders i kor kantando na e bunita dekorashonnan, miéntras Papa Pasku i su duendenan ta kana i saka potrèt ku tur bishitante. Riba dia 22 di desèmber lo tin DJ Dorine Woodz for di 6’or di atardi pa 9’or di anochi. Dia 23 di desèmber lo tin músika di DJ RO-1 for di 6’or pa 9’or di anochi tokando klásikonan di Pasku. Probechá di saka potrèt ku Papa Pasku tur dia ku tin nochi di kompra for di 6’or di atardi pa 9’or di anochi. 

 

Gana riba social media:

Tira un bista riba e página di facebook di Renaissance Mall & Rif Fort, e kampaña ‘Letter to Santa’ lo konosé 3 ganador, i kada un lo tin chèns di gana un ‘weekendstay’ na Renaissance Resort Curaҫao. Tur hende ku hasi un kompra riba 25 florin lo risibí un kupòn di partisipashon. Skibi bo nòmber, bo deseo di Pasku i informashon di kontakto i bent’e den e buzon di Santa ubiká na e fòntein. Santa lo skohe 3 ganador ku mihó a motivá nan deseo! Por benta e ‘deseo’ den e buzon te ku dia 23 di desèmber. Lo saka e ganadornan dia 24 di desèmber. Pa mas detaye bishita e página di facebook. 

 

Renaissance Mall & Rif Fort tin bo ‘Personal Shopper’

Falta di inspirashon pa un ‘outfit’ spesialmente pa e temporada aki? Awor, Renaissance Mall & Rif Fort tin 4 stilista asigná pa yudabo ku un ‘outfit’ ku e ultimo tendensia di moda! Riba e página di facebook di Renaissance Mall & Rifort tin un link pa registrá pa e ‘Personal Shopper’.  E stilista lo yudabo paso-a-paso skohe un ‘outfit’ trendy i ku ta fit ku bo estilo den un di e establesimentunan na Renaissance Mall & Rif Fort!  E ‘personal shopper’ ta disponibel riba tur anochi di kompra! 

 

 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: