ANGUA DI BUSTER PA HENDENAN KU MINIMALMENTE TRES LUNÁ PASÁ A PASA DI DOS ANGUA KONTRA CORONA
ANGUA DI BUSTER PA HENDENAN KU MINIMALMENTE TRES LUNÁ PASÁ A PASA DI DOS ANGUA KONTRA CORONA
Mas ku 3.000 hende a pasa e angua di buster awor
Kralendijk – Siudadanonan ku minimalmente tres luna pasá, a pasa e di dos angua kontra corona, por pasa e angua di buster awor. Esei departamento di Salubridat Públiko a duna di konosé. Hendenan ku despues di e di dos angua kontra corona a haña corona, mester warda tres luna for di e fecha ku nan a tèst positivo. E departamento ta spera ku hasimentu mas kòrtiku di e tempu di espera pa e angua di buster di seis pa tres luna, hopi hende mas ta bai pasa e angua.
Tin hopi interes pa e angua di buster. Na prinsipio di e siman akí, ya tabatin na tur mas ku 3.000 hende ku a pasa e angua di buster. Na e momentu akí e angua di buster ta hopi importante den e lucha kontra e vírùs di corona. Si mas tantu hende posibel pasa e angua akí, Boneiru ta mihó protehá kontra e variante di omikròn di e vírùs di corona. E variante aki ta plama mas rápido ku a spera den mundu.
Salubridat Públiko a nota ku no ta tur hende riba 60 aña a pasa e angua di buster ainda. P’esei e departamento ta hasi un yamada ku insistensia na siudadanonan di riba 60 aña pa pasa e angua di buster. Ta konosí ku serka e grupo akí, protekshon di e dos anguanan kontra corona anterior kontra e vírùs ta baha mas rápido.
Bo no a pasa e angua di buster ainda? Yama e ora ei e number grátis 0800 0900 pa pasa e angua. Bo no a pasa e promé òf di dos angua kontra corona ainda? Yama e ora ei e number grátis 0800 0900 pa un sita pa pasa angua.
