Petishon na komunidat pa evitá aglomerashon.

 

KOMUNIKADO DI PRENSA 432 /2021
25 desèmber 2021
Petishon na komunidat pa evitá aglomerashon.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
No opstante anunsio di medidanan adishonal di parti di gobièrnu pa trata na kontrolá e
oumento di infekshonnan pa loke ta trata Covid-19, polis no ta tumando nota ku esaki ta
keda kargá den tur gremio di nos komunidat.
Den e anochi di bispu di pasku pa mardugá di pasku, na diferente sitio riba kaya tabatin
bastante aglomerashon kombiná ku ponementu di ‘fever’.
Na momentu ku outoridat kita e multitut for di un sítio, esaki ta forma na un otro sítio.
Un komportashon basta iresponsabel, di siudadanonan ku aparte di no ta respetá reglanan
den nos komunidat ni ta sigui òrdu di outoridat, ta eksponé nan mes i otronan na tur rísiko i
sigur di kontagio ku e vírus.
Kuerpo Polisial lo sigui asumí su responsabilidat di sòru pa tur hende kumpli ku reglanan i
leinan vigente, pero nos kada un mester realisá, ku nos mes ta e proménan responsabel pa
kuida nos mes i kuida nos sernan keri.
I burlando di regla, òrdu i instrukshon, nos no ta aportá na esaki.
Den próksimo dianan lo kontinuá ku kontrolnan dirigí riba entre otro aglomerashon i lo
aktua ku man duru kontra di esnan ku ta neglishá òrdu i ta skohe konsiente na pone
salubridat general na peliger.

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: