INTERES PA TUMA BOOSTER TA GRANDI

MINISTERIO KONSERNÍ SALUBRIDAT PÚBLIKO, MEDIO AMBIENTE I NATURALESA

INTERES PA TUMA BOOSTER TA GRANDI

PUBLIKÁ RIBA 26 DESÈMBER 2021

WILLEMSTAD – Ta tin un asistensha hopi haltu awe pa bakuná riba e promé dia ku a amplia e posibilidat pa esaki. Banda di e sentro di bakunashon na poli di SEHOS, awe públiko por a bai tuma nan ‘boostershot’ tambe na Sentro Deportivo Kòrsou (SDK). A bakuná mas òf ménos 3000 persona, di kua 2000 persona na SDK i 1000 na Poli.  Esaki ta muestra di e interes grandi di nos komunidat pa kombatí mas kontagio ku e variante Omicron di COVID -19.

Situashon na SDK i Poli
Na komienso dje dia a surgi algun reto pa ku fluho di hende. Tabatin personanan ku ta “walk-in” ku tabata den rei di esnan ku sita i rei di 60+. Komo ku awaseru tabata kai mainta, personanan ku tabata para den rei a bai para bou di tènt i akinan e reinan a drenta otro ku a pone ku e persona ku sita a bin kai lat i personanan ku tabata “walk-in” a bai dilanti. E tim a adaptá mas lihé posibel dor di stòp “walk-in” for di 11’or di mainta pero no por a evitá ku e tempu di espera a subi. Un momentu e tempu di espera tabata alrededor di 2 ora i mei aproksimadamente, pero despues a adaptá i a solushoná esaki. Tim di bakunashon ke gradesí komunidat pa e komprenshon nesesario pa ku e situashon ku a surgi.

E tim di Bakunashon a hasi nan máksimo esfuerso awe i ku e informashon di awe lo sigui adaptá pa asina mañan i despues bai aun mas mihó. For di mañan rei di 60+ ta kompletamente apartá i ta bai mantené e rei di sita i “walk-in” striktamente separá.

Sigui traha bo sita riba http://www.bakuna.cw i registrá pa tuma bo bakuna.

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: