Kaso di hinkamentu

Durante oranan trempan di djaluna mainta a drenta notifika na Sentral di Polis tokante un kaso di hinkamentu ku mester a tuma lugá dilanti di Artis Supermarket den Kaya Grandi na Otrobanda.
Patruya ku a yega na e sitio a pidi asistensia di Servisio di Ambulans pa e viktima por risibí tratamentu mediko.
Aparentemente dos hòmber tabata diskutí despues ku un di nan a pidi e otro yudansa pa hür un auto. Pa motibu deskonosí a surgi un bringamentu entre e dos hòmbernan ku a resultá den e kaso di hinkamentu.
Despues di a stabilisá e viktima, paramedikonan a transport’e pa poliklinika di CMC.
E agresor a keda transportá pa warda di Polis na Otrobanda pa interogashon.
Investigashon di e kaso aki ta kontinuá.