EKSITOSO EKSPOSISHON DI ARTENAN DI ARKA DI NOE DI KLIENTENAN DI SDKK.

EKSITOSO EKSPOSISHON DI ARTENAN DI ARKA DI NOE DI KLIENTENAN DI SDKK.

WILLEMSTAD – Djadumingu 26 di desèmber 2021, a tuma lugá un bunita Eksposishon di Artenan traha
pa klientenan di Sentro di Detenshon i Korekshon Kòrsou titulá Arke di Noe. E meta di e proyekto aki
ta ku klientenan di tur blòk den prizòn mester a pinta un arte di Arka di Noe riba kanvas, trahando
huntu den ekipo segun kriterianan stipulá, i ku oportunidat di por gana premio komo blòk. Den
ambiente festivo i ameno tur presente por a disfrutá di un bunita programa i tambe di e 12 artenan.
Na final di anochi a saka e resultado di e artenan. Tabatin oportunidat kaminda komunidat tambe por
a vota pa un di e Artenan i e resultado a sali pa: Blòk 4 ku 404 voto (Promé premio – Ganador), Blòk 6
ku 224 voto (Segundo premio), Blòk 8B ku 123 voto (Terser premio). E blòknan ku a sali den premionan
ekstra abase di e resultado di 3 hurado ta: Blòk 7A, Blòk 8A i FOBA. Lo tin oportunidat pa bolbe wak
henter e eksposishon i artenan di Arka di Noe via nos facebookpage: SDKK Sentro di Detenshon i
Korekshon Kòrsou.
Na final Gerensia di Prizòn a gradisí tur esnan ku a kontribui na e proyekto aki i a la bes tabata
sumamente kontentu ku e proyekto di Arka di Noe i lo bai sigui hasi mas di e proyektonan aki, kaminda
komunidat por mira mas talentonan ku tin den prizòn.