Girobank lo kobra un tarifa atministrativo mensual di NAf 10

 

Girobank lo kobra un tarifa atministrativo mensual di NAf 10

Willemstad, – Entrante 1 di yanüari 2022, Girobank N.V. lo kobra kada kuenta koriente i/òf spar ku
un saldo di ménos ku NAf 1.200.000 un tarifa atministrativo mensual di NAf 10,00.
Apesar di vários supliká di parti di Girobank N.V. na e klientenan pa sera nan kuenta, ainda tin un
kantidat signifikante di klientenan ku fondo riba nan kuenta. Konsekuentemente, Girobank N.V. ta
inkurí gastunan èkstra pa tene e fondonan disponibel pa e depositantenan.
Tuma nota ku tur kuenta di banko sin fondo ya a keda será òf ta den proseso pa wòrdu será.
Klientenan di Girobank N.V. por lanta nan fondonan na e brènch di Janwé entre 08:00 i 15:00 or.
Pa mas informashon, por fabor konsultá e Preguntanan Frekuente riba e wèpsait di Centrale Bank van
Curaçao en Sint Maarten: https://www.centralbank.cw/girobank-nv/preguntanan-frekuente òf riba e
wèpsait di Girobank N.V.: http://www.girobank.cw. Por tuma kontakto ku Girobank N.V. na
giro@centralbank.cw òf info@gironet.com, òf pa medio di telefòn +599 9 433 9130.

Willemstad, 30 di desèmber 2021
CENTRALE BANK VAN CURACAO EN SINT MAARTEN

PB2021-040 Girobank will charge a monthly NAf 10 administration fee ENG

PB2021-040 Girobank will charge a monthly NAf 10 administration fee NED

PB2021-040 Girobank will charge a monthly NAf 10 administration fee PAP

This site uses Akismet to reduce spam. Learn how your comment data is processed.

%d bloggers like this: