Homber detené pa violashon di lei di arma di kandela.

 

KOMUNIKADO DI PRENSA 001 /2022
2 yanüari 2022
Homber detené pa violashon di lei di arma di kandela.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djadumingu 2 di yanüari 2022 alrededor di 02.39’or, Polis a risibí informashon ku un
hòmber lo tabata menasá un otro persona ku un arma di kandela riba Schottegatweg-West
na altura di Marchena.
Despues e sospechoso aki a move for di e sitio den un outo korá. Un unidat polisial atento a
bin topa e vehíkulo aki djis un ratu despues na altura di un kas den Wishi.
E shofùr a kore bai i e ko-okupante, ku ta esun ku un ratu promé a menasá un persona ku
un arma di kandela, a keda detené na e sítio.
Ta trata di e hòmber sospechoso S.B.S. di 37 aña di edat nase na Kòrsou.
Durante di kontrol bou di stul di e vehíkulo, polis a bin enkontrá un revòlver ku a keda
konfiská.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.