Polis ta registrá kuater kaso di atrako den oranan di mainta.

 

KOMUNIKADO DI PRENSA 002 /2022
4 yanüari 2022
Polis ta registrá kuater kaso di atrako den oranan di mainta.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Den apenas un ora i mei di e mainta di djamars 4 di yanüari 2022, polis ta registrá no menos
ku kuater kaso di atrako.
E promé kaso a tuma lugá alrededor di 10.03’or na e playa di Parasasa na unda
malechornan a atraká un turista i bai ku su telefòn selular.
Djis algu despues, seis (6) hòmber ta drenta den un kas na Saffierweg i despues di un
diskushon ku e habitante, ta bai ku su pertenensianan.
Na Kaya Lamper un persona ta keda atraká i e sopsechosonan ta bai ku su outo, un Toyota
Vitz koló shinishi.
Alrededor di 11.32’or, un dama ku ta kanando riba kaya den Kaya Ararut ta bira víktima di
malechornan ku a ranka su tas ku kontenido.
Polis ta investigando e kasonan aki i ta pidi komunidat pa ta alerta pa atrakadónan ku sigur
ta aktivo e dianan aki riba kaya.
E petishon un bia mas pa no kana ku hopi kos di balor i si bo nota kualke situashon
sospechoso, yama polis mesora pa nos por aktua rápido.

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: