Minister Dorothy Pietersz-Janga enkargá ku asuntunan di salú, medio ambiente i naturalesa, ta anunsiá ku dia 31 di desèmber último Minister a tèst positivo pa Covid-19.

 

 

Apresiabel pueblo i miembronan di prensa,

Pa medio di e komunikado aki Minister Dorothy Pietersz-Janga enkargá ku asuntunan di salú, medio ambiente i naturalesa, ta anunsiá ku dia 31 di desèmber último Minister a tèst positivo pa Covid-19. Minister i su tim a tuma tur e pasonan nesesario, pa loke ta trata e protokòlnan stipulá pa gobièrnu na momentu di kontagio i e ta den isolashon na e momentunan aki.

Sra. Minister Pietersz-Janga ta den bon estado di salú i ta rekuperando. Alabes e ta urgi un i tur pa sigui kumpli ku tur e reglanan i pa keda kas si esaki ta permití p’asina evitá ku e vírùs lo sigui plama di un forma agresivo.

Un danki ta bai na tur ku a manda mensahenan di pronto rekuperashon i ku tabata preokupá pa sra. Minister su salú.

This site uses Akismet to reduce spam. Learn how your comment data is processed.

%d bloggers like this: