Promé minister gilmar pisas reuní ku kònsul General di hulanda na Miami
Promé minister gilmar pisas reuní ku kònsul General di hulanda na Miami
Willemstad – Promé Minister Gilmar Pisas a reuni ku e Kònsul General di Hulanda na Miami sra. Ruth Emmerink.
Esaki tabata un bishita di kortesia kaminda e Kònsul General por a sera konosí ku promé Minister i su konseheronan.
Den e kombersashon a trata diferente punto, manera entre otro e parti di adaptashon di klima, salubridat, protekshon di kosta, e parti di oportunidatnan riba e aspektonan ekonómiko i hudisial.
E Kònsul General aki ta sirbi e suidatnan di Kansas, Florida, Louisiana, Mississipi, Oklahoma, Puerto Rico i Texas.
Promé Minister a ekspresá su apresio pa ku e bishita i alabes a ekspresá ku e ta deseá pa Kòrsou por mantené e laso estrecho i direkto aki ku e Kònsul General di Miami.