PROMÉ MINISTER GILMAR PISAS A BISHITÁ SRA. SILVIA FECUNDA-CONCEPCION EN KONEKSHON KU E SELEBRASHON DI SU 100 AÑA

PROMÉ MINISTER GILMAR PISAS A BISHITÁ SRA. SILVIA FECUNDA-CONCEPCION EN KONEKSHON KU E SELEBRASHON DI SU 100 AÑA

 

Willemstad – Promé Minister Gilmar Pisas a bishitá sra. Silvia Fecunda-Concepcion en konekshon ku e selebrashon di su di 100 aña.

 

E tabata un okashon úniko i masha speshal, debí ku un aniversario di 100 aña tin hopi nifikashon.

100 aña di historia, 100 aña di eksperensia de sobra i un konosementu amplio.

Sra. Silvia Fecunda-Concepcion, mihó konosí komo Mai, lo tin sigur hopi informashon ku e por kompartí ku nos di tur e siglonan di bida ku e a pasa aden.

 

Informashonnan ku a risibí di Mai ta splika ku Mai ta un hende ku tabata den internat, debí ku Mai su mama a bai sosegá ora Mai tabatin solamente 3 aña di edat.

E bida den Internat a siña Mai hopi kos i pone ku Mai ta un hende ku a lanta ku hopi norma i balor. Esaki ta algu ku sigur nos lo ke mira bèk den nos komunidat.

 

Algun karakterístika di Mai ta ku e ta un hende hopi organisá tambe, ku ta plania kon su dia lo bai kana pa su kas i famia, ku e ta un hende hopi servisial, sosial i hasta konsiderá komo dòkter Silvia, debí na e forma ku e tabata sa di kuida i yuda kura tur e otro miembronan di famia.

 

Ta konsiderá Mai komo un hende ku su kurason ta bati pa amor pa su próhimo.

Promé Minister a bisa Mai ku su kurason tambe ta bati pa nos komunidat i nos hendenan i ku pa e motibu aki e mester a bini un ratu serka Mai pa demostrá su amor pa Mai.

 

Promé Minister a felisitá Mai na nòmber di Gobièrnu di Kòrsou ku e logro grandi di por a alkansá 100 aña i alabes a deseá Mai hopi aña mas di bida den pleno alegria i amor di famia Fecunda-Concepcion.

 

This site uses Akismet to reduce spam. Learn how your comment data is processed.

%d bloggers like this: