𝐌𝐞𝐬𝐭𝐞𝐫 𝐢𝐧𝐬𝐭𝐢𝐭𝐮í 𝐮𝐧 “𝐭𝐚𝐬𝐤 𝐟𝐨𝐫𝐜𝐞” 𝐝𝐢 𝐒𝐢𝐧𝐝𝐢𝐤𝐚𝐭𝐨𝐧𝐚𝐧 𝐢 𝐝𝐮𝐧𝐚𝐝ó 𝐝𝐢 𝐭𝐫𝐚𝐛𝐨𝐮, 𝐫𝐞𝐥𝐚𝐬𝐡𝐨𝐧á 𝐤𝐮 𝐞𝐤𝐬𝐢𝐠𝐞𝐧𝐬𝐢𝐚 𝐝𝐢 𝐛𝐚𝐤𝐮𝐧𝐚𝐬𝐡𝐨𝐧 ò𝐟 𝐫𝐞𝐬𝐮𝐥𝐭𝐚𝐝𝐨 𝐝𝐢 𝐭è𝐬𝐭 𝐩𝐚 𝐩𝐨𝐫 𝐚𝐤𝐮𝐝í 𝐧𝐚 𝐭𝐫𝐚𝐛𝐨𝐮.

Na Kòrsou meskos ku otro partinan den Reino ,e tenshon entre trahadónan i dunadó di trabou, pa obligá bakunashon òf tèstmentu pa covid na boka di trabou.

Segun nos Areglo di Estado i Tratadonan Internashonal nos mester protehá i salbaguardiá integridat personal i privasidat di e persona (trahadó), esei MAN ta para pe.

Di e otro banda tambe mester tene kuenta ku e dunadó di trabou mester salbaguardiá salu/bienestar di su otro trahadónan, ku si a bakuna i ku si ta habri pa hasi tèst di corona na momento esaki ta nesesario , ku pa MAN tambe ta importante.

E situashon aki ya a kondusí na dos kaso den Korte unda e tenshon , pero tambe gastunan prosedura den korte i energia ku esaki ta trese pa trahadónan i dunadó di trabou, p’esei ta importante pa Gobièrnu bini ku maneho pa esaki, miéntras ta traha riba un lei ku ta ankra e derechinan di e trahadónan i dunadó di trabou durante COVID 19 i posibel otro pandemianan.

P’esei MAN ta proponé pa Gobièrnu instituí un task force ku sindikatonan i dunadó di trabou kon ta bai hasi uso di bakunashon i e zelftest den kuadro di

1. Kon ta salbaguardiá salu, trahadó, klientenan

2.servisio i kontinuashon di aktividatnan ekonómiko empresanan/Gobièrnu

3. Derechonan universal i derechonan di trahadó.

Ku e konklushon di e “task force” aki Gobiernu mester usa komo base pa por bini ku un maneho /lei pa evita e tenshon mas tenshon laboral pa motibu di COVID 19.