Detenshon pa maltrato ku arma i violashon di lei di arma di kandela.

 

KOMUNIKADO DI PRENSA                                  013 /2022

 

13 yanüari 2022

                                              

 Detenshon pa maltrato ku arma i violashon di lei di arma di kandela.

 

Djarason 12 di yanüari 2022 alrededor di 10.44’or, Sentral di polis a dirigí un unidat pa Kaya Balaster pa un kaso di maltrato ku arma.

Na yegada di e unidat, el a topa un hòmber ku diferente herida na su kabes i tambe markanan rònt di su kurpa.

For di investigashon ku polis a hasi na e sítio a sali na kla ku un ratu promé, kuater hòmber di kua unu ku ta ruman di e víktima, a yega na e sítio i kuminsá maltrat’é ku arma di kandela, patekabra i klenku.

E kuarteto a bai for di e sítio promé ku polis yega. A pidi presensia di ambulans pa transportá e víktima pa sala di emergensia di C.M.C pa tratamentu médiko.

 

Kontinuando ku e investigashon, alrededor di 19.22’or di e mesun dia, polis a hasi detenshon di e hòmber sospechoso M.G.Z. di 27 aña di edat nase na Kòrsou pa maltrato ku arma i violashon di lei di arma di kandela.

A konfiská partinan di un arma di kandela na momentu di e detenshon.

A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.

 

 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: