Kontrolnan di tráfiko.

 

KOMUNIKADO DI PRENSA 019 /2022
15 yanüari 2022
Kontrolnan di tráfiko.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Manera a keda anunsiá den e rueda di prensa último, polis lo bini ku mas kontrol den entre
otro tráfiko pa di e forma ei trese òrdu bèk den tráfiko aki na Kòrsou.
Djabièrnè 14 di yanuari 2022, den oranan di dia i tambe anochi, e tim di Unit Speciale Taken
(U.S.T.) a sali kaya i a tene kontrol di tráfiko na diferente sitio.
E kontrolnan aki a produsí:
 21 prosès verbal pa pasamentu den lus korá;
 24 prosès verbal pa diferente otro infrakshon di tráfiko.
Ademas di esei a konfiská un (1) bròmer i dos otro vehíkulo a wòrdu kitá bou di kondishon.
Un total di 113 vehíkulo a pasa dor di e kontrol aki.
Kuerpo Polisial ta hasi un yamada riba tur usuario di tráfiko ku ta manehá un vehíkulo, pa
sòru pa e vehíkulonan ta den bon kondishon, tur dokumentu di e vehíkulo ta balido i e
shofùr ta den posishon di un reibeweis bálido pa e kategoria di vehíkulo ku e ta kore.
Koredonan di bròmer, skuter i motosaikel, ademas di esei mester tin un hèlmu adekuá bistí
riba nan kabes, na momentu ku nan ta kore riba kaminda públiko.