Kontrol di establesimentunan.
KOMUNIKADO DI PRENSA 025 /2022
17 yanüari 2022
Kontrol di establesimentunan.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Durante di e kontrol riba establesimentunan dor di e tim multi-disiplinario formá pa K.P.C. i
Inspekshon di M.E.O. riba 16 di yanüari 2022, a kontrolá 17 establesimentu, entre kua
minimarket, supermarket, restaurant i lokalidatnan di dibertishon.
A repartí 2 prosès verbal pa inkumplimentu ku tapaboka i a para un operashon ku no ta
kumpliendo ku e reglanan stipulá.
Ta bon pa rekordá tantu klientenan komo propietarionan di toko, minimarket i
supermerkado, ku tur kliente ku drenta un di e establesimentunan aki, mester tin nan
tapaboka bistí.
Esaki ta konta tambe pa tur empleado di e negoshi.