Entrada hudisial ku detenshon.

 

KOMUNIKADO DI PRENSA 026 /2022
17 yanüari 2022
Entrada hudisial ku detenshon.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Kontinuando ku investigashon relashoná ku un kaso di un video ku a bai viral den luna di
desèmber 2021, kaminda un hòmber ta den posishon di arma di kandela, polis a hasi
detenshon.
Djaluna 17 di yanüari 2022, alrededor di 05.00’or di mainta Divishon di Krimen Organisá di
Kuerpo Polisal Kòrsou konhuntamente ku tim di Atrako riba òrdu di fiskal di Ministerio
Públiko a tene un entrada hudisial den Kaya Lando i a detené e hòmber sospechoso A.A.O.
nase na Kòrsou di 28 aña di edat, relashoná ku e kaso ariba menshoná.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.