GOBIÈRNU DI KÒRSOU A TENE E DI SINKU REUNION  KU E SENTRALNAN DI SINDIKATO I VBC.

GOBIÈRNU DI KÒRSOU A TENE E DI SINKU REUNION 

KU E SENTRALNAN DI SINDIKATO I VBC.

 

Willemstad – Promé Minister Gilmar Pisas, Minister di Desaroyo Sosial, Labor i Bienestar Ruthmilda Larmonia-Cecilia i Minister di Desaroyo Ekonómiko Ruisandro Cijntje, na nòmber di Gobièrnu di Kòrsou, a reuní ku e tres sentralnan di sindikato i VBC dia 18 di yanüari 2022.

 

Esaki tabata e di sinku reunion ku ta tene ku e tres Sentralnan di Sindikato i Vereniging Bedrijfsleven Curaҫao (VBC).

E tres sentralnan di sindikato ta: Central General di Trahadonan di Kòrsou (CGTC), Sentral di Sindikatonan di Kòrsou (SSK) i Sentral Solidaridat Sindikal (SSS).

 

Durante di e reunion aki a logra trata 2 di e 4 puntonan ku tabata programá riba e agènda. E dos puntonan aki tabata: 

1. Sueldo mínimo;
2. Insentivo di parti dunadó di trabou.

 

Debí na otro kompromiso ku e tres ministernan tabatin a skòrs e reunion pa un otro fecha, kaminda lo bai trata e sobra puntonan di agènda.

E fecha nobo pa e reunion ta dia 25 di yanüari 2022.

 

E reunion a kana den un bon esfera kaminda tabatin espasio amplio pa kada partido por a dialogá i kompartí informashon ku otro riba e puntonan ku a bini dilanti.