MINISTER Ruisandro Cijntje Awe djárason, 19 di yanüari nos ta risibí 4 barku krusero na Kòrsou.

Ventura di e liña P&O Cruises, World Voyager di Mystic Cruises, Norwegian Epic di Norwegian Cruise Line i tambe e barku Grandeur of the Seas di Royal Caribbean International.

Huntu e barkunan aki tin e kapasidat di trese 11.000 pasahero pa Kòrsou.

Nos ekonomia ta sigui mira rekuperashon den e industria aki. Den aña 2021 nos a risibí mas ku 146.000 pasahero krusero ku ta gasta promedio di $70 pa persona. Esaki sigur ta un inyekshon positivo den nos ekonomia.

Ban sigui hasi nos parti, bákuna, booster i kuida nos mes i otronan pa asina nos por sigui risibí turista na Kòrsou.