Siudadanonan atento ta skapa okupante di kua su outo a pega kandela.

KOMUNIKADO DI PRENSA 036 /2022
21 yanüari 2022
Siudadanonan atento ta skapa okupante di kua su outo a pega kandela.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djabièrnè 21 di yanüari 2022 alrededor di 09.54’or, Sentral di polis a dirigí unidat di Barber
pa Weg Naar Westpunt na altura di Duzu, pa un vehikulo ku despues di a aksidentá, a bai
resultá parsialmente di bòltu kantu di kaminda i pega kandela.
Personanan ku tabata den e besindario mesora a drenta akshon i a fia un aparato di paga
kandela na un establesimentu ei banda, mientras otronan a yuda saka e okupante for di e
outo ku a kuminsá kima.
Bon trabou di e siudadanonan aki a sòru pa tantu daño personal komo daño material keda
limitá.
No tabatin nesesidat pa transportá e okupante pa hospital.