DAISY COFFIE KU KARTA PA KOLEGIO EHEKUTIVO REFERENTE CARGILL

Daisy Coffie

 

DAISY COFFIE KU KARTA PA KOLEGIO EHEKUTIVO REFERENTE CARGILL
Kralendijk, – Cargill Salt Ponds Bonaire ta un entidat privá ku ta produsí salu na e punta sùit di nos isla. Nan tin un total di 3700 ha di tereno, di kua 2700 ha ta “wetland”. E produkshon di salu ta tuma lugá via e sistema di evaporashon. E ta un sitio tambe ku ta atraé diferente sorto di para i otro bida biológiko.
E ta un kompania si no e kompania ku ta tambe un atrakshon turístiko pa nos isla. Banda di esei e aria ta gosa di e protekshon bou di e tratado di Ramsar.
Segun suskrito tin entendí e derecho di èrfpagt ku e kompania tin lo terminá próksimamente den aña 2024. Papiando di 3700 ha di tereno mas tur e aktividatnan di natura¬lesa ku ta tuma lugá, lo ta bon pa haña sa vishon/maneho di gobièr¬nu pa ku e sitio aki.
Hasiendo uso di artíkulo 45 di nos reglamentu di órden, suskrito ta dirigí su mes na Kolegio Ehekutivo ku e siguiente pregunta¬nan.
1. Te ki dia e derecho di èrfpagt di Cargill ta kore? Fabor di fasilitá Konseho Insular ku kopia di e akta.
2. Ta di kuantu tereno nos ta papia ku ta kai bou di e derecho di èrfpagt?
3. Den e aria di Saliña na sùit ei, tin tereno ku ta propiedat privá? Si ta asina Kolegio Ehekutivo por indiká ta kua parti, ki tamaño i ken ta e propietario?.
4. Pa loke ta e terenonan privá tin plan pa desaroyá esaki¬nan? Si tin plan: duna un splikashon di e plan.
5. Kua ta e terenonan ku ta kai bou di e tratado di Ramsar? Porfabor inkluí tambe e asina yama “bufferzone”.
6. Kiko ta bai sosodé ku e terenonan ku ta aktualmente na èrfpagt i di kua nan derecho di èrfpagt ta terminá na 2024?
7. Gobièrnu tin interes di tuma parti di e terenonan aki bèk i si t’asina; kuantu tereno i ku ki intenshon?
8. Tin negosiashonnan a kuminsá kaba ku Cargill pa ku e periodo despues ku e derecho di èrfpagt terminá. Gobièrnu por a indiká na Konseho Insular ta ken ta hiba e negosiashonnan i bou di kua “terms of reference” esaki ta tumando lugá?
9. Gobièrnu por kuantifiká pa Konseho Insular e balor eko¬nómi¬¬ko di Cargill pa Boneiru? Esta kuantu trabou e ta generá, kuantu belasting e ta generá i bou di kua tipo di belasting e kompania ta kai i ki otro tipo di entrada direkto òf indirekto e ta generá?
Gustosamente suskrito ke risibí kontesta verbal riba e pregunta¬nan aki den e próksimo reunion públiko di Konseho Insular.
Share this page to Telegram

This site uses Akismet to reduce spam. Learn how your comment data is processed.

%d bloggers like this: