Análisis di krímennan di impakto haltu.
KOMUNIKADO DI PRENSA 041 /2022
25 yanüari 2022
Análisis di krímennan di impakto haltu.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Kuerpo Polisial ta kontinuá ku e análisis di krímennan di impakto haltu i seguidamente ta
duna un bista di e periodo entre 17 pa 23 di yanüari 2022.
Den e periodo ariba menshoná tabatin sinku (5) kaso di atrako ku a tuma lugá riba djaluna
(1), djabièrnè (2), djasabra (1) i djadumingu (1).
Mayoría di e atrakonan aki a tuma lugá entre 21.00’or i 22.00’or den áreanan di
Zuikertuintje, Sta. Catharina, Rio Canario, Mari Pampun i Mahuma Zuid.
Kuater (4) di e atrakonan tabata riba kaya i unu (1) den un bibienda.
Pa loke ta kiebro den kas, a registrá dos (2) i ámbos a tuma luga riba djaweps.
Un di e kiebronan a keda kometé entre 08.00’or i 10.15’or mientras ku e otro a keda
konstatá den oranan despues di merdia.
Nan a tuma lugá na respektivamente Sta. Rosa i Otrobanda.
Polis a registrá kuater (4) kiebro den establesimentu i mayoria di nan a tuma lugá den
oranan di mardugá of mainta trempan.
Unu di e kiebronan a tuma lugá riba djamars i e otro tresnan tabata den fin di siman.
E áreanan tabata Dokweg, Souax i F.D. Rooseveltweg.
