KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNUNOTISIA

GOBIÈRNU DI KÒRSOU A TENE E DI SEIS REUNION KU E SENTRALNAN DI SINDIKATO I VBC.

GOBIÈRNU DI KÒRSOU A TENE E DI SEIS REUNION KU E SENTRALNAN DI SINDIKATO I VBC.

 

Willemstad – Promé Minister Gilmar Pisas, Minister di Desaroyo Sosial, Labor i Bienestar Ruthmilda Larmonie-Cecilia i Minister di Desaroyo Ekonómiko Ruisandro Cijntje, na nòmber di Gobièrnu di Kòrsou, a reuní ku e tres sentralnan di sindikato i VBC dia 25 di yanüari 2022 na WTC.

 

Esaki tabata e di seis reunion ku ta tene ku e tres Sentralnan di Sindikato i Vereniging Bedrijfsleven Curaҫao (VBC).

E tres sentralnan di sindikato ta: Central General di Trahadornan di Corsow (CGTC), Sentral di Sindikatonan di Kòrsou (SSK) i Sentral Solidaridat Sindikal (SSS).

 

Durante di e reunion aki a logra trata 3 di e 7 puntonan ku tabata programá riba e agènda. E tres puntonan ku a keda tratá tabata: 

  1. Desaroyo riba e proseso di Refineria Isla;
  2. Oumento drástiko di krimen (atrako kontra turísta i hendenan lokal);
  3. Finalisashon Protocol Plataforma Tripartite.

 

Pa ku e punto di agènda “Desaroyo riba e proseso di Refineria Isla” tabata sr. Patrick Newton (direktor interino di Refineria di Kòrsou) kende a duna un splikashon ekstenso na tur esnan ku tabata presente riba e proseso ku ta andando pa yega na un operador nobo pa nos Refineria. A duna informashon tambe ekstenso riba e proseso pa kontratá e Kontratistanan. Tabatin diferente pregunta ku a bini dilanti i sr. Newton tabata sa di kontestá tur e preguntanan aki.

 

Pa ku e punto di agènda “Oumento drástiko di krimen” tabata Kuerpo Polisial (KPC), representá pa srs. Jules Ilario, Gilberto Rodriguez, Heinrich Mercee i Maurits Rosalina, ku a duna un presentashon na esnan presente riba diferente aspekto i e parti di maneho ku ta hiba riba kada un di e aspekto ku a bini dilanti.

Tabatin diferente pregunta ku a keda hasí i e tim di KPC tabata sa di kontestá tur e preguntanan aki. Lo adaptá e presentashon ku algun punto adishonal ku a bini dilanti i kompartí esaki despues ku tur esnan ku tabata presente.

 

E reunion aki a keda di skòrs despues pa un otro fecha, debí ku e tempu a transkurí. Lo bai sigui trata e sobra puntonan di agènda den un próksimo reunion.

E próksimo reunion lo ta dia 1 di febrüari 2022.

 

E reunion a kana den un bon esfera kaminda tabatin espasio amplio pa kada partido por a dialogá, hasi pregunta, risibí kontesta i kompartí informashon ku otro riba e puntonan ku a bini dilanti.

 

Leave a Reply

This site uses Akismet to reduce spam. Learn how your comment data is processed.