PROMÉ MINISTER GILMAR PISAS A RISIBÍ REPRESENTANTENAN DI E FUNDASHON WECONNECT

PROMÉ MINISTER GILMAR PISAS A RISIBÍ REPRESENTANTENAN DI E FUNDASHON WECONNECT

 

Willemstad – Promé Minister Gilmar Pisas a risibí e Fundashon di WeConnect dia 25 di yanüari 2022 na Fort Amsterdam.

E personanan ku a representá WeConnect tabata sra. Tanja Fraai i sr. Mike Ho.

 

WeConnect ta un fundashon ku su sede na Hulanda i ta hopi aktivo na Kòrsou tambe.

E fundashon ta:

• Ofresé tayer di informashon riba opshon di estudio na varios skol sekundario;
• Ehekutá diferente proyeko dirigí riba e bienestar i éksito di estudio di e studiantenan Caribense na Hulanda;
• Ehekutá diferente proyekto den kolaborashon ku otro instansianan, manera entre otro Unicef i e organisashon Hulandes “de Nederlandse Organisatie voor Wetenschappelijk Onderzoek en Musea Bekennen Kleur”.

 

Durante di e bishita a entregá e raportahe anual di e fundashon na Promé Minister Gilmar Pisas huntu ku  Minister di Desaroyo Sosial, Labor i Bienestar Ruthmilda Larmonie-Cecilia.

A hasi tambe un grabashon kòrtiku kaminda Promé Minister por a dirigí su mes na e grupo di studiantenan Caribense na Hulanda.

 

E bishita tabata unu hopi ameno kaminda por a risibí algun informashon di e fundashon aki su meta i e trabounan ku nan ta ehersé. 

Pa mas informashon por bishitá e website di e fundashon aki na: https://stichtingweconnect.nl/ i https://stichtingweconnect.nl/over-ons/