Ku e veredikto di korte ta konfirmá ku: AKSHON DI MINISTER JANGA TA KONTRA INTERES DI PUEBLO
Ku e veredikto di korte ta konfirmá ku:
AKSHON DI MINISTER JANGA TA KONTRA INTERES DI PUEBLO
Ayera a bira konosi e veredikto di korte di apelashon kaminda accountant anterio di Stichting BZV a bai kontra Stichting BZV. Manera ta konosi e kaso aki a hala hopi atenshon ultimo despues ku Minister di Salubridat, Medio Ambiente i Naturalesa a manda pa e vereffenaar nan pa para e tur kaso, ehekushon di e veredikto i tambe investigashon.
Riba e karta aki Frakshon di MAN a pidi un reunion publiko ku e minister pa debati riba e karta aki. Den e reunion aki frakshon di MAN a entrega un moshon di deskonfiansa kual no a risibi sosten di mayoria. Te ku dia di awe ku sosten di partidonan MFK i PNP e minister ta den funshon sin a remedia e akshon tuma kontra di tur regla dor di e minister.
Ku e veredikto di korte aki ta indiká bon kla ku e akshon di e minister pa manda e karta pa vereffenaar nan ta kontra interes general. E veredikto ta indika bon kla ku e accountant mester paga Stichting BZV kasi 4.1 mion bèk.
Frakshon di MAN ta kontentu ku nos trias politika a funshoná i ku e minister di Salubridat, Medio Ambiente i Naturalesa no por stroba òf empedi un proseso hudisial, kaminda ta tuma akshon kontra personanan ku a hasi aktonan kontra di regla i prosedura.
Lamentabel ta ku te dia di awe e minister no a tuma ningun akshon riba e fayo ku e mes a indiká ku el a hasi.
E karta a keda riba mesa i su efektonan pa ku integridat di e minister i gobièrnu a keda tacha. Den mesun rosea Frakshon di MAN a pidi un reunion di komishon sentral ku e verefenaar nan di Stichting BZV pa asina parlamento i pueblo por haña informashon i klaridat riba loke a sosode den BZV.