Detenshon relashoná ku violashon di lei di arma di kandela.

KOMUNIKADO DI PRENSA 054 /2022
29 yanüari 2022
Detenshon relashoná ku violashon di lei di arma di kandela.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Den mardugá di djasabra 29 di yanüari 2022, un unidat di warda di polis di otrobanda a
detené dos hòmber pa violashon di lei di arma di kandela.
Durante di kontrol di tráfiko alrededor di 03.10’or de Kaya Wana, e agentenan a tuma nota
di un vehíkulo di kua e shofùr tabata aktua di un manera sospechoso i a trata na kore bai.
Durante di su huida, el a bèk i bai dal kontra di un palu di lus.
E polisnan a bai kontrolá den e outo i nan a bin topa ku un arma di kandela (pistol) ku dos
lachi yená ku bala skèrpi.
A konfiská e arma di kandela i algun atributo mas ku a haña den e outo ku ta di importansia
pa e investigashon.
Na e sitio mes pa mas o menos 03.15, polis a detené e dos hòmbernan sospechoso S.P.C. di
25 aña di edat nase na Colombia i Y.M.E.W. di 32 aña di edat nase na Kòrsou.
A presentá e duo dilanti di un fiskal ouksiliar ku a ordená nan enkarselamentu pendiente di
mas investigashon.