HUBENTUT FORTUNA I JONG COLOMBIA LO TOPA DURANTE E PARTIDO FINAL DI LIGA MCB SEGUNDO DIVISHON KU LO TUMA LUGÁ DJADUMINGU 13 DI FEBRÜARI PRÓKSIMO!
HUBENTUT FORTUNA I JONG COLOMBIA LO TOPA DURANTE E PARTIDO FINAL DI LIGA MCB SEGUNDO DIVISHON KU LO TUMA LUGÁ DJADUMINGU 13 DI FEBRÜARI PRÓKSIMO!
Despues ku pa motibunan ya konosí, Liga MCB Segundo Divishon su partido final no por a tuma lugá riba e fecha stipulá, Hubentut Fortuna i Jong Colombia lo enfrentá otro djadumingu, 13 di febrüari pa 6:00 PM den Stadion Rignaal ‘Jean’ Francisca.
E enkuentro aki lo bai ta unu sumamente interesante mirando ku ya pa vários dia tur hende ta den espektativa pa e partido final aki. E ekipo di Jong Colombia despues di algun aña ta den kontienda pa un partido final, ku chèns di promové pa Liga MCB Promé Divishon. Hubentut Fortuna tambe lo bin tur ku tin pa titulá kampion i regresá Liga MCB Promé Divishon. Djadumingu, 13 di febüari 2022 ta un tabla lo bula den Stadion Rignaal ‘Jean’ Francisca durante e partido final tan sperá di Liga MCB Segundo Divishon!
Tabla di posishon Liga MCB Segundo Divishon buèlta di 4:
| WH | WG | WE | WP | Pt | GF | GK | Saldo | ||
| 1 | Hubentud Fortuna | 3 | 2 | 0 | 1 | 6 | 9 | 6 | 3 |
| 2 | Jong Colombia | 3 | 2 | 0 | 1 | 6 | 8 | 7 | 1 |
| 3 | New Song | 3 | 2 | 0 | 1 | 6 | 3 | 2 | 1 |
| 4 | U.D. Tera Kòrá | 3 | 0 | 0 | 3 | 0 | 2 | 7 | -5 |
Debí na e medidanan ya konosí, ku a keda introdusí pa Gobièrnu di Kòrsou e partido final aki lo no por tuma lugá ku presensia di públiko. Apesar di esei, FFK a hasi petishon na Gobièrnu pa risibí eksonerashon pa ku presensia di públiko na e partido final aki i ta pendiente di e kontesta. Asina nos tin mas informashon tokante esaki nos lo avisá.
Keda pendiente pa mas informashon…