PREPARASHONNAN TA KONTINUÁ PA NOS SELEKSHON FEMENINO SU PARTISIPASHON NA E 2022 CONCACAF WOMEN’S QUALIFIERS! NOS HUNGADÓNAN TA KONOSÍ!

 

PREPARASHONNAN TA KONTINUÁ PA NOS SELEKSHON FEMENINO SU PARTISIPASHON NA E 2022 CONCACAF WOMEN’S QUALIFIERS!

NOS HUNGADÓNAN TA KONOSÍ!

 

Djasabra, 19 di febrüari binidero, nos selekshon nashonal femenino senior lo tin su promé enkuentro durante e 2022 CONCACAF Women’s Qualifiers. 

E aña aki CONCACAF a introdusí un sistema nobo kaminda ku tur selekshon ta hunga weganan na kas i weganan afó. Esaki ta nos promé biaha ku nos lo partisipá na e sistema aki, kaminda nos selekshon lo enfrentá Guatemala aki na Kòrsou den Stadion Rignaal ‘Jean’ Francisca pa 6’or di atardi durante nos promé enkuentro. Seguidamente nos lo biaha pa Repúblika Dominikana pa nos segundo partido kaminda nos lo topa St Kitts & Nevis dia 22 di febrüari 2022.

 

Despues ku finalisá e 2 partidonan aki den luna di febrüari 2022, nos selekshon lo tin 2 enkuentro mas den luna di aprel pa konkluí e promé buèlta di e partidonan di kualifikashon. E ekiponan ku terminá komo number un den nan grupo lo klasifiká pa e di 2 buèlta i djòin Merka ku Canada, e 2 paisnan ku ta enkabesá e ‘ranking’ di CONCACAF. Asina lo tin diferente kompetensia durante e aña aki pa determiná kua ekipo lo klasifiká pa Mundial FIFA Femenino 2023 i Weganan olímpiko 2024. 

 

Nos selekshon nashonal femenino senior ta konsistí di un grupo di 20 hungadó. 

E selekshon ta wòrdu dirigí pa Sr. Demy Rosario i ta konta ku asistensia di 

Sr. Reynold Mercera komo asistente tékniko. Sr. Pablo Alomá Mark ta entrenadó di portero i Sr. Roderick Rojer ta esun enkargá ku e materialnan di nos selekshon.

Sra. Olga Pita Da Silva huntu ku Sra Laicam How ta e masahistanan miéntras dòkter Ramfis Fillet tambe ta kompañá e selekshon. E hefe di delegashon ta Sr. Remfis Donker, miembro di direktiva di FFK.

 

Nos selekshon a konsistí di e siguiente hungadónan;

 

1. Taïsha Hansen (Vesta)
2. Jully Lake (Vesta)
3. Fresheny Michiel (Vesta)
4. Riesmarly Tokaay (Hubentut Fortuna)
5. Sephanyah Pedro (Vesta)
6. Anaïse Piar (Vesta)
7. Kaaisha Constansia (Excellence School)
8. Marelly Balentina (Regent University Royals, Merka)
9. Sterre Noordhoek (Inter Willemstad)
10. Nuhely Emerenciana (Vesta)
11. Gervionna Martina (Jong Colombia)
12. Ignarda Pieternella (Hubentut Fortuna)
13. Sadéyah Rosa (Sparta, Hulanda)
14. Thiheyna Susana (Undeba)
15. Charnainelys Andrea (Vesta)
16. Jeleaugh Rosa (Sparta, Hulanda)
17. Kadisha Martina (Brewton-Parker College, Merka)
18. Fellicity Verhagen (Feyenoord, Hulanda)
19. Kiara Angelino (Sporting 70, Hulanda)
20. Queen-Jelly Alexandre (Vesta)

 

Preparashonnan ta kontinuá pa nos selekshon nashonal femenino senior su 2 promé kompromisonan den e 2022 CONCACAF Women’s Qualifiers ku lo tuma lugá dia 19 di febrüari aki na Kòrsou kontra Guatemala i 22 di febrüari kontra St Kitts & Nevis aya na Repúblika Dominikana.

 

8 febrüari 2022