Minister Pietersz- Janga a huramentá un Botikario i un Asistente Botikario

Minister Pietersz- Janga a huramentá un Botikario i un Asistente Botikario

Willemstad – Resientemente Minister di Salú, Medio Ambiente i Naturalesa dr. Dorothy Pietersz- Janga, a huramentá un Botikario i un Asistente Botikaro. Drs. Moska Hassanzai a huramentá komo Botikario i Richellina Martina a huramentá komo Asistente Botikario.

Minister Pietersz- Janga ta enkargá ku huramentashon ofisial ku mandato di Gobernadó i señor Thierry Goeloe a atendé e parti protokolario. Di e forma aki e dos personanan ku a huramentá a kumpli ku eksigensianan di nos leinan vigente pa nan por ehersé nan profeshon. Despues di e akto ofisial Minister Pietersz- Janga a felisitá señora Hassanzai i señora Martina i a deseá nan tur klase di éksito den nan karera. Señora Hassanzai ta laborá temporalmente na botika di hospital CMC i señora Martina ta laborá na Botika Zuikertuintje.

Riba potrètnan separá huntu ku Minister Pietersz- Janga, Moska Hassanzai i señora Richellina despues di e akto ofisial.