Minister Dangui Oduber RECONOCEMENTO OFICIAL NA GRUPO DI ACROBAAT RCC ARUBA

Minister Dangui Oduber

RECONOCEMENTO OFICIAL NA GRUPO DI ACROBAAT RCC ARUBA

ORANJESTAD – Diahuebs Minister Dangui Oduber, como Minister di Turismo, hunto cu Minister Xiomara Maduro como Minister di Cultura, a duna reconocemento oficial na grupo di acrobat RCC ARUBA.

E grupo aki a representa Aruba na e 14th Budapest International Circus Festival. RCC ARUBA a sa di duna nan maximo y a gana e titulo di segundo lugar. E grupo ta consisti di profesionalnan cu a wordo escohi pa participa den e competencia magno aki, locual no tawata facil pa drenta.

Un danki na e grupo pa ora a haña e oportunidad pa duna diferente entrevista na prensa internacional a promove nos dushi isla Aruba. Nan a papia over tur locual Aruba tin di ofrece, mustrando Aruba na paisnan cu no conoce Aruba ainda.

Semper ta bunita pa wak ora nos atletanan local ta sobresali den exterior, ta mas bunita ainda ora nan ta converti nan mes den embahadornan pa nos dushi isla. Masha pabien y sigui cu e bon trabou.

 

This site uses Akismet to reduce spam. Learn how your comment data is processed.

%d bloggers like this: