NO TIN KARENTENA MAS PA HÓBENNAN DEN MESUN KAS ÒF KONTAKTONAN ESTRECHO HÓBEN DI PERSONA KONTAGIÁ

 

NO TIN KARENTENA MAS PA HÓBENNAN DEN MESUN KAS ÒF KONTAKTONAN ESTRECHO HÓBEN DI PERSONA KONTAGIÁ

Kralendijk  – Muchanan di 0 te 18 aña ku ta un kontakto estrecho òf ta biba den mesun kas ku un persona kontagiá no mester bai mas den karentena.  Esaki e departamento di Salubridat Públiko ta laga sa.  Sí ta asina ku dies dia despues di e último kontakto, e hóbennan akí mester tin ménos kontakto posibel ku un persona vulnerabel. Por ehèmpel hendenan riba 60 aña ku malesa serio òf hende grandi ku no a pasa e angua di buster.

Si hóbennan den mesun kas òf kontakto estrecho di un persona kontagiá haña keho, ta konsehabel pa hasi un tèst propio òf un tèst di PCR. Ora resultado di un tèst di PCR  ta positivo, nan mester bai den isolashon na kas. Den kaso di resultado positivo di un tèst propio, nan mester hasi un tèst di PCR den e kaya di tèst di Salubridat Públiko. Esaki pa ta sigur ku nan ta òf no ta kontagiá.

Pa desaroyo i salú mental di mucha ta importante pa nan bai skol. Ku nan por topa kompañero di klas i huntu por hasi deporte. Último lunanan hopi alumno tabata den karentena na kas.  Pa evitá ku alumnonan ta kai atras na skol, a adaptá e reglanan di karentena pa nan awor.

E departamento di Salubridat Públiko ta tene e situashon na skol bon na bista. Mayoria skol tin un miembro di personal ku ta den kontakto ku e departamento. Si tin hopi kontagio den un klas, ta enbolbí e departamento mesora.   E ora ei Salubridat Públiko ta investigá fuente di e kontagionan.  Despues di e investigashon, e departamento ta konsehá kiko ta e mihó kos pa e skol hasi.

Bo tin pregunta tokante e reglanan di karentena nobo pa muchanan di 0 te 18 aña? Yama e ora ei e number grátis 0800 0800.

This site uses Akismet to reduce spam. Learn how your comment data is processed.

%d bloggers like this: