Análisis di krimenan di impakto haltu.

 

KOMUNIKADO DI PRENSA 111 /2022
2 mart 2022
Análisis di krimenan di impakto haltu.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Krímennan di impakto halt durante di e periodo di 21 pa 27 di febrüari 2022 a duna na
resultado lo siguiente.

Atrako
Den e e periodo ei tabatin un (1) kaso di atrako. E atrako aki a tuma lugá alrededor di
01.55’or di mardugá den un kas na Berg Altena.
Ta trata aki di dos hòmber sospechoso ku a hasi uso di arma di kandela pa menasa nan
víktima.

Ladronisia di vehíkulo
Den e periodo aki, tabatin shete (7) kaso di ladronisia di vehíkulo.
Mayoria vehíkulo a keda hortá riba djabièrnè entre 10.00’or i 17.30’or i 00.00’or i 03.30’or.
Mayoria vehíkulo ku a keda hortá ta di e marka Kia Rio di fabrikashon entre 2013 i 2016.
E áreanan fo’i unda a hòrta nan tabata varia entre playanan na Banda Bou i riba terenonan
di kas.

Kiebro den kas
A registrá 5 kiebro den kas i mayoria a tuma lugá riba djaluna entre 10.00’or i 13.30’or.
Malechornan a bishitá e barionan manera Julianadorp, Damacor, Oost. Sta Rosa i ZuidRonde Klip.
E individuonan a penetrá den mayoria kas dor di sea kibra of fòrsa porta di kas di patras.

Kiebro den negoshi
Polis a tuma den e periodo aki 8 denunsia di kiebro den negoshi.
E kiebronan aki tur a tuma lugá entre 03.00’or i 05.00’or dor di fòrsa kandal i porta di e
edifísio. Mayoria di e kiebronan aki a tuma lugá riba e djabièrnenan.

E áreanan na unda e kiebronan aki a tuma lugá tabata Zeelandia, Sta. Helena, Sta Rosa,
Marchena, Mahuma, Kenepa i Groot Kwartier.
Den e 8 negoshinan aki, tin un krèsh tambe.

Kiebro den outo
Tabatin sinku (5) kiebro den outo, ku a tuma lugá prinsipalente riba e djamarsnan entre
12.30’or i 17.00’or i 22.00’or i 24.00’or.
E método ku mas e malechornan a usa tabata sea pa fòrsa of kibra e bentana di porta na
man drechi patras di e vehíkulo.
Di kuater di e sinku kiebronan den outo aki, tabata turistanan ku a bira viktima.
E sítionan na unda a kibra den outo tabata Playa Canoa, Penstraat, Julianaplein i Ascencion.

Violensia relashonal
E periodo tras di lomba tabatin 7 kaso di violensia relashonal, di kua mayoria a tuma lugá
den fin di siman.
E gran kantidat di yamadanan ku polis a haña pa atendé e kasonan aki, tabata entre
20.00’or i 22.00’or.
E áreanan kaminda ku polis mester a duna asistensia pa e tipo di violensianan aki, tabata
entre Sta. Rosa i Souax

This site uses Akismet to reduce spam. Learn how your comment data is processed.

%d bloggers like this: