Barku krusero Carnival Magic su promé bishita na Boneiru

Barku krusero Carnival Magic su promé bishita na Boneiru

Kapitan di haf a entregá e kapitan un kuadro di e momentu ku e krusero Carnival Magic tabata aserkando haf di Boneiru.

E barku krusero Carnival Magic a bishitá Boneiru pa promé bes. Carnival Magic a yega Boneiru den oranan di mainta ku un total di 3213 pasahero na bordo.

Dia 19 di yanüari 2015 e promé barku krusero Carnival Liberty di Carnival Cruise Lines a bishitá Boneiru. Durante e mesun aña ei seis barku krusero mas di Carnival Cruise Lines a bishitá Boneiru.

Byron Tromp, di e agensia Armada Port Agency, a yama kapitan Rosario Arena i su tripulashon bon biní na Boneiru. Esaki a tuma lugá den presensia di Orphaline Saleh representando Gobièrnu di Boneiru, kapitan di haf Günther Flanegin i Elisiër Angel kende ta kordinadó di proyekto na Tourism Corporation Bonaire – TCB.

Orphaline Saleh na nòmber di Gobièrnu di Boneiru a hasi entrega di bandera di Boneiru i a duna un splikashon amplio di nos bandera na kapitan Rosario Arena. Kapitan di haf Günther Flanegin a entregá e kapitan un kuadro di e momentu ku e krusero Carnival Magic tabata aserkando haf di Boneiru.

Elesiër Angel di TCB a entregá e kapitan e buki “Bonaire Point to Point” ku ta ilustrá tur e sitionan di sambuyá na Boneiru i nan storia.

Byron Tromp di e agensia Armada Port Agency a entregá e kapitan un buki tokante historia di Washington Park. E buki ta na papiamentu i ingles.

Kapitan Rosario Arena a keda hopi agradesido i komo muestra di apresio a entregá Orphaline un rekuerdo di e krusero Carnival Magic. Den oranan di atardi e barku a sali ku destino Grand Turk.

 

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: