Minister di Desaroyo Ekonómiko Ruisandro Cijntje a risibí bishita di Kònsùl General di Merka sra. Margareth (Margy) Bond.  

Willemstad – Minister di Desaroyo Ekonómiko Ruisandro Cijntje a risibí bishita di Kònsùl General di Merka sra. Margareth (Margy) Bond.  

 

Durante di e bishita aki Minister Cijntje i sra. Bond a deliberá riba diferente punto di interes komun. Minister Cijntje a trese dilanti algun punto di importansia manera por ehèmpel nos aeropuerto i kiko kònsùl merikano por nifiká den nos meta pa risibí e sertifikashon FAA di manera ku nos por tin un aeropuerto di kategoria 1. Tambe minister Cijntje a trese dilanti e vários hotèlnan nobo ku ta na kaminda pa Kòrsou I e nesesidat pa “airlift” ku esaki ta trese pa nos pais.

 

Sra. Margy Bond a mustra su preokupashon i kombibensia ku e gran porsentahe di desempleo na Kòrsou i tabata interesá den e maneho ekonómiko ku minister Cijntje ta hiba  pa yuda kombatí e problemátika aki.

 

Minister Cijntje a indiká ku Gobièrnu tin atenshon pa e desempleo riba nos isla i ku huntu ku su koleganan minister di SOAW i OWCS lo bini ku un plan di maneho struktural.

 

Na final di e reunion minister Cijntje a risibí un kaha di dominó di regalo serka sra. Bond ku aktualmente ta praktikando dominó pa  di e forma aki e siña konosé nos kultura mas mihó.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: