google.com, pub-5639114718427035, DIRECT, f08c47fec0942fa0

Aksidente di tráfiko ku morto.

 

 

KOMUNIKADO DI PRENSA 129 /2022
13 mart 2022
Aksidente di tráfiko ku morto.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djadumingu 13 di mart 2022 alrededor di 15.47’or, Sentral di Polis a risibí informashon di
un aksidente bastante grave ku a tuma lugá riba Dominico Martina Boulevard na altura di
edifísio di A.P.C.
Na yegada di e promé unidat, el a bin topa un outo di famia di bòltu algun meter for di
kaya, mientras un otro vehíkulo tabata pará na un distansia riba e kaya menshoná.
Den e outo di bòltu tabatin kuater (4) persona i den e otro vehíkulo únikamente e shofùr.
Ekipo di reskate di brantwer a keda solisitá na e sitio pa por a yuda saka e personanan ku
tabata den e outo di bòltu, ya ku nan a keda pegá den e vehíkulo.
Un di e okupantenan di e último outo aki a sufri multiple leshonnan dor di e impakto i a
fayesé na e sitio mes.
Dòkter di polis ku tabata presente a konstatá morto.
E otro okupantenan a keda transportá ku diferente ambulans pa sala di emergensia di
C.M.C. pa asina nan por a risibí tratamentu médiko.
For di investigashon preliminar ku polis a realisá na e sitio a sali na kla ku e dos outonan aki
tabata kore riba Dominico Martina Blvd den direkshon di Bieshuevel.
Pa motibunan te ainda deskonosí nan a aksidentá i probablemente shofùr di e outo ku a
bòltu a pèrde kontrol riba su stür i bai resultá kantu di kaminda.
No ta ekskluí ku entre otro ekseso di velosidat a hunga un ròl importante den e aksidente
aki.
Debí ku no a identifiká e víktima ainda ni pone famia na altura, no por publiká su identidat.
Personal di departamentu di tráfiko a keda enkargá ku e investigashon.

[videopress 5kF8Hs97]

Share this page to Telegram

This site uses Akismet to reduce spam. Learn how your comment data is processed.

%d bloggers like this: