KOMUNIKADO DI KUERPO POLISIAL KÒRSOU: Kaso di tiramentu ku morto. (potret,video i zonido di bala)

 

KOMUNIKADO DI PRENSA 373 / 2020
21 sèptèmber 2020
Kaso di tiramentu ku morto.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djadumingu 20 di sèptèmber 2020, alrededor di 21.47’or Sentral di Polis a risibí
notifikashon di un kaso di tiramentu ku a tuma lugá riba F.D. Rooseveltweg i ku tin hende
heridá.
Unidat polisial ku a yega na sitio a topa ku un hòmber drumí den un outo ku heridanan di
bala na su kurpa.
For di investigashon preliminar ku polis a realisá a sali na kla ku un ratu promé dos hòmber
a yega na e outo di e víktima i los tirunan dirigí riba dje. Un dama ku tabata sintá den un
otro outo riba e lugá di stashoná outo tambe a risibí herida di bala na su kara.
Ambulans a transportá e dama pa departamento di emergensia di CMC pa tratamentu
médiko.
Alrededor di 23.40’or dokter di polis a konstatá morto di e hòmber víktima Rosandy
Ponciano Balentina nasé na Kòrsou, 13 di ougùstùs 1987.
Na e sitio polis a konfiská dos outo i tambe un kantidat di huls i riba òrdu di fiskal di
Ministerio Públiko a konfiská e kurpa pa mas investigashon.

 

zonido di bala na momentu di e asesinato