Minister di Desaroyo Ekonómiko, Ruisandro Cijnte a reuní ku BVCA, representantenan di supermerkado i operadó di haf

Minister di Desaroyo Ekonómiko, Ruisandro Cijnte a reuní ku BVCA, representantenan di supermerkado i operadó di haf

 

Willemstad – Mirando e desaroyonan ku ta tuma lugá mundialmente, minister Cijntje a reuní ku kadena di importadónan, supermerkadonan, CPA, CPS i tambe profeshonalnan di MEO pa asina por garantisá ku por keda suministrá kuminda na Kòrsou durante di e tempu dífisil nan ku por bini. Durante di e reunión aki tur partido a duna nan aporte i kontribushon den un esferá positivo pa nos sirbi nos meta komun kual ta di sirbí nos país mas mihó.

 

For di e reunión aki, Minister Cijntje a señala 4 palabrashon di akshon konkreto.  BVCA ta bai hasi un inventarisashon bou di su miembronan pa asina por mira kua ta e produktonan ku tin mester i kiko lo por tin skarsedat di dje den futuro. CPS lo tuma kontakto ku su kontakto na fransia pa asina por los 27 konteiner ku ta destiná pa Kòrsou, pero ku awor aki ta pega pa garantisá suministro di hariña na Kòrsou.

 

MEO tin komo tarea pa drenta den kontakto ku proveedornan i gobièrnunan den región manera por ehempel na Colombia, Brazil i otro merkadonan pa asina por suavisá nos dependendensia riba europa i tambe pa konkretámente prepará un plan di akshon detayá ku Minister lo presentá na konseho di minister durante di reunión di otro siman.

Ku e akshonnan aki Minister Cijntje i su tim ta mustra di ta aktua di un manera responsabel i strukturá pa por mitigá kualkier skarsedat ku por presentá.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: