PROMÉ MINISTER GILMAR PISAS A RISIBÍ  REPRESENTANTENAN DI PHILLIP MORRIS INTERNATIONAL

PROMÉ MINISTER GILMAR PISAS A RISIBÍ 

REPRESENTANTENAN DI PHILLIP MORRIS INTERNATIONAL

 

Willemstad – Promé Minister Gilmar Pisas a risibí representantenan di Phillip Morris International dia 15 di mart 2022.

Di parti Phillip Morris International tabata presente sra. Leticia de Andres (Manager External Affairs Caribbean) i sra. Pauline Koeiers (Public Affairs Liaison).

 

Meta di e bishita tabata pa hasi entregá di e konsepto di Lei “Curazao Tobacco Control Act” na Promé Minister sr. Pisas. E Lei aki lo tin di regulá e konsumo di sigaria i otro produktonan di Tabaku.

 

A duna un splikashon amplio pa ku e kontenido di e konsepto di Lei i alabes a hasi menshon di agun benefisio ku e Lei tin.

Algun di e benefisionan ta ku e Lei ta determiná:

1. Reglanan pa ku kiko tin di tene kuenta kuné ora ta merkadeá e produktonan;
2. Reglanan pa ku loke ta pone riba e etikètnan di e produktonan. Lo tin di menshoná kua ta e efektonan ku e uso di e produkto por kousa pa e salú di un hende.

 

Promé Minister sr. Pisas a konsehá e representantenan di Phillip Morris International pa nan aserká i duna splikashon riba e konsepto di Lei aki tambe na e miembronan di Parlamento di Kòrsou.

 

E kombersashon a bai den un esfera hopi ameno.