MINISTER PIETERSZ- JANGA A TENE PROMÉ REUNION DI AKSHONISTA DI ADC

Willemstad – Djaweps 17 di mart último, Minister di Salubridat, Medio Ambiente i Naturalesa dr. Dorothy Pietersz- Janga, a tene e promé reunion general ku akshonistanan di ADC. E reunion a tuma lugá despues di un periodo di preparashon riba diferente punto di interes pa ‘ámbos partido.

Durante e reunion, a trata puntonan entre otro relashoná ku funshonamentu di ADC komo e laboratorio nashonal di Kòrsou. E reunion a kana den un esfera positivo i ku optimismo pa futuro. Partidonan tabata hopi kontentu ku e forma kon e reunion a transkurí i tambe e sentimentu ku tin oido i komprenshon pa puntonan ku a keda tres’é dilanti.

Mester bisa, ku Minister Dorothy Pietersz- Janga ta hasiendo hopi esfuerso pa riba un base regular tene reunion ku e kompanianan di Gobièrnu. Esaki sigur ta nesesario pa funshonamentu di e sektor i sigur ora bo ta hiba un maneho transparente pa pueblo. Minister Pietersz- Janga lo sigui ku e bon trabou kaminda ku semper lo pone interes di pueblo na promé lugá. Riba potrèt por mira Minister Pietersz- Janga i miembronan di su gabinete i hunta di komisario i direktiva di ADC.