Polis ta bai aktua kontra di vehíkulonan pisá riba Kaya Abrahamsz.

 

KOMUNIKADO DI PRENSA 142/2022
21 mart 2022.
Polis ta bai aktua kontra di vehíkulonan pisá riba Kaya Abrahamsz.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Ya pa basta tempu habitantenan di Abrahamsz tin hopi molèster di vehíkulonan pisá i di
karga, ku ta kore ku velosidat sumamente haltu den e kaya ei.
No opstante ku ta trata di un kaminda smal i un área habitá, diferente shofùr di
espesialmente dòmtrùk ta kore di manera iresponsabel i tabata teme un desgrasia un ora
pa otro.
Entre tantu e servisio di obranan públiko a pone bòrchi di prohibishon pa trùk pasa den e
kaya aki.
Esaki ta duna polis awor un base legal pa por aktua di forma represivo kontra di e violashon
aki.
P’esei kuerpo polisial ta pone na konosementu di tur siudadano pero partikularmente na
shofùrnan di trùk di karga pisá, ku e prohibishon aki ta eksistí i ku polis lo parti prosès verbal
pa violashon di regla di tráfiko na e sítio aki.

 

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: