Kaso di maltrato ku detenshon.

 

KOMUNIKADO DI PRENSA 158 /2022
26 mart 2022
Kaso di maltrato ku detenshon.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djasabra 26 di mart 2022 alrededor di 04.00’or, Sentral di Polis a dirigí un unidat na altura
di un snèk riba F.D. Rooseveltweg pa un kaso di maltrato i den kua tabtin un hòmber heridá.
Na yegada di e unidat, el a bin topa un hòmber di nashonalidat Venezolano ku un herida na
altura di su brasa ku tabata sangra bastante.
Personal di un kompanía di seguridat tabatin un otro hòmber detené, ku tabata e agresor
ku a maltrata e víktima.
For di investigashon a sali na kla ku e dos hòmbernan tabatin problema ku otro i e
sospechoso L.A.F.M. di 34 aña di edat nase na Colombia, a kòrta e víktima ku un bòter.
Ambulans a transportá e víktima pa sala di emergensia di C.M.C., mientras ku polis a tuma
e sospechoso over for di e personal di seguridat.
A present’é dilanti di un fiskal ouksiliar ku a ordená su enkarselamentu pendiente di mas
investigashon.

This site uses Akismet to reduce spam. Learn how your comment data is processed.

%d bloggers like this: