Malechornan a kibra kaha fuerte na kompanía di pòst.

KOMUNIKADO DI PRENSA 163 /2022
28 mart 2022
Malechornan a kibra kaha fuerte na kompanía di pòst.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Den oranan di mainta di djaluna 28 di mart 2022, Sentral di Polis a risibí informashon ku
empleadonan di un kompanía di pòst na Groot Kwartier a konstatá un kiebro na e negoshi
aki.
Deskonosínan a baha via dak di e edifísio hasiendo uso di makinarianan sofistiká i asina ei
penetrá den e lokalidat.
Una bes paden, nan a bai na un di e kahanan fuerte ku tin i a fòrsa esaki habri, usando
atrobe ekíponan hidrouliko pa reskate, ku ta propiedat ku a ser hòrta for di brantwer.
For di un kaha fuerte chikí a bai ku un kantidat di sèn, mientras esun grandi nan no a logra
habri pero sí a kousa bastante daño na esaki.
E kaso aki ta den investigashon.